«Ақбөбек»
оңалту орталығы
Әрқайсысына жылулық, көңіл бөлу және қамқорлық!
Біз туралы
«Ақбөбек» оңалту орталығы Ақтөбе қаласында 1996 жылдың маусым айынан бастап жұмыс істеп келеді. Осы жылдар ішінде орталық Ақтөбе облысы мен Батыс өңірі тұрғындарының арасында үлкен бедел мен құрметке ие болды. Ашылған сәттен бастап 75 000-нан астам бала емдеу курсынан өтті.Негізгі қызметі — Ақтөбе қаласы мен облыс балаларын: мүмкіндігі шектеулі балаларды, облыстың экологиялық қолайсыз аудандарынан келген, қамқорлыққа алынған, көпбалалы және аз қамтылған отбасылардан шыққан балаларды, диспансерлік есепте тұрғандарды, балалар үйі мен есту қабілеті бұзылған балаларға арналған мектеп-интернат тәрбиеленушілерін және т.б. емдеу және сауықтыру.
3 жастан 14 жасқа дейінгі балалардың орталықта болу курсы 14 күнді құрайды. Орталықта педиатрлар, невропатолог, кардиолог, ЕДШ (ЛФК) дәрігерлері, физиотерапевт, психолог, логопед сияқты жоғары білікті мамандар жұмыс істейді. Орталыққа қабылданған балалар дәрігерлердің қарауынан өткен соң фито- және дәрумендік терапия, физиоемдеу, спелеотерапия, галотерапия, массаж алады, созылмалы инфекция ошақтары санацияланады. Балалар бассейн мен саунаға, ЕДШ залына үлкен қызығушылықпен барады, сондай-ақ 5 мезгіл емдік тамақтану қарастырылған. Орталықтан шыққаннан кейін балаларға тұрғылықты жері бойынша әрі қарай бақылау үшін ұсыныстар беріледі.
Тиімділік пен тұрақтылық: кешенді тәсіл жағдайдың тез жақсаруына және нәтижелердің ұзақ сақталуына кепілдік береді.
Утарова Кунсулу Баймурзиевна
Бас дәрігер / еңбек өтілі 32 жыл
- жоғары санатты дәрігер
- денсаулық сақтау ісінің үздігі
«Ақбөбек» оңалту орталығы — балалардың дамуы мен денсаулығына кәсіби көмек пен қамқорлық көрсететін мекеме.
Саренова Ботакоз Максатовна
балалар невропатологы
еңбек өтілі 38 жыл
жоғары санатты дәрігер
Илющенко Ирина Николаевна
балалар невропатологы
еңбек өтілі 38 жыл
жоғары санатты дәрігер
Борангалиева-Аманкелды Дамира Канатовна
балалар невропатологы
еңбек өтілі 9 жыл
Борангалиева-Аманкелды Дамира Канатовна
педиатр дәрігер
еңбек өтілі 17 жыл
Айдарханова Гульсара Аманкельдиевна
физиотерапевт дәрігер
еңбек өтілі 25 жыл
жоғары санатты дәрігер
Батыргалиева Жанна Александровна
психолог
еңбек өтілі 31 жыл
Имангазина Асель Султангалиевна
логопед
еңбек өтілі 10 жыл
ҚР ДСМ № 907 бұйрығымен бекітілген біздің орталыққа қабылдану үшін қажетті құжаттар тізімі
1. Неврологиялық және педиатриялық бейіндегі аурулар бойынша стационарлық ем алған жағдайда: стационарлық науқастың медициналық картасынан бұрынғы ауруханаға жатқызу үзінді көшірмелерінің көшірмелері (№ 027/е нысаны).
2. Кеуде қуысы мүшелерінің флюорографиясы/рентгенографиясы (мерзімі 6 айдан аспауы тиіс) – еріп жүруші адам үшін.
3. Қанның жалпы анализі (10 күннен кешіктірілмеген).
4. Зәрдің жалпы анализі (10 күннен кешіктірілмеген).
5. Қанның биохимиялық анализі (жалпы ақуыз, креатинин, несепнәр, жалпы билирубин, АЛаТ, АСаТ, глюкоза, липидограмма) (10 күннен кешіктірілмеген).
6. Коагулограмма (10 күннен кешіктірілмеген).
7. Микрореакцияға қан тапсыру (РВ) (10 күннен кешіктірілмеген).
8. ЭКГ мәліметтері (10 күннен кешіктірілмеген).
9. Негізгі ауру бойынша бұрын жүргізілген инструменталды-диагностикалық зерттеу әдістерінің қорытындылары.
10. Бассейнге арналған шапка және круг
Балалар оңалтуы қашан қажет?
Баланың жүйке жүйесінің аурулары немесе жарақаттары салдарынан физикалық, сөйлеу, когнитивті немесе психоэмоционалды дамуында ауытқулар байқалған жағдайда оңалту қажет.
Егер балаңызда келесі белгілерді байқасаңыз:
сөйлеу, қозғалыс немесе өзіне-өзі қызмет көрсету дағдыларының кешігуі;
координацияның бұзылуы, жүріс-тұрыстың қиындауы, тепе-теңдікті сақтай алмау;
аяқ-қолдың әлсіздігі, бұлшықет тонусының төмендеуі немесе, керісінше, шамадан тыс ширығуы;
есту қабілетінің, психоэмоционалды жағдайының немесе мінез-құлқының бұзылуы;
бас сүйек-ми немесе жұлын жарақаттарының салдары, сондай-ақ туа біткен патологиялар —
бұл балалар неврологына немесе басқа бейінді маманға жүгінуге себеп болады.
Дәрігер тексеріп, диагноз қойғаннан кейін оңалту курсын тағайындай алады. Көмектің уақтылы басталуы баланың жағдайын жақсартуға және оның дамуын қолдауға көмектеседі.
Бөлімшелерде 3 жастан 14 жасқа дейінгі келесі неврологиялық патологиялары бар балаларға кешенді оңалту көмегі көрсетіледі:
Балалардың церебралды параличі (БЦП);
Бас сүйек ішіндегі жарақаттардың салдары;
Аяқ-қол жүйкелері жарақаттарының салдары;
Жекелеген жүйкелердің, жүйке түбірлері мен өрімдерінің зақымдануы, полинейропатия;
Орталық жүйке жүйесінің қабыну ауруларының салдары;
Параличтік синдромдар;
Цереброваскулярлық аурулардың салдары;
Жүйке жүйесінің туа біткен даму ақаулары;
Сөйлеу мен тіл дамуының басқа да бұзылыстары;
Психологиялық дамудың бұзылуы;
Аутизм спектрінің бұзылуы;
Нейросенсорлық есту қабілетінің төмендеуі, кохлеарлық имплантациядан кейінгі жағдай;
Даун ауруы;
Жүйке-бұлшықет синапсы мен бұлшықет аурулары;
Тыныс алу мүшелерінің аурулары.
ЖАДЫНАМА
Баланың тәулік бойы болатын оңалту орталығына қабылдануы кезінде ата-аналарға (заңды өкілдерге) арналған
Құрметті ата-аналар (заңды өкілдер)!
Балалардың қауіпсіздігін, тиімді оңалтуды және орталықта жайлы болуын қамтамасыз ету мақсатында төмендегі ережелерді сақтауыңызды сұраймыз.
1. Жалпы ережелер
1. Баланы оңалту орталықтың бекітілген күн тәртібіне және жеке оңалту бағдарламасына сәйкес жүзеге асырылады.
2. Ата-аналар орталықтың ішкі тәртіп ережелерін, әкімшілік пен медициналық персонал талаптарын сақтауға міндетті.
3. Ата-аналар мен орталық қызметкерлері арасында өзара құрмет, дұрыс қарым-қатынас және ынтымақтастық міндетті.
4. Қабылдау кезінде құжаттар №65 бұйрыққа (07.04.2023 ж.) сәйкес қабылданады, балаға медициналық карта ашылады.
2. Баланың денсаулық жағдайы
1. Бала орталыққа тек жедел жұқпалы ауру белгілері болмаған жағдайда қабылданады.
2. Ата-аналар келесі ақпараттарды шынайы түрде хабарлауға міндетті:
* созылмалы аурулар;
* аллергиялық реакциялар;
* баланың мінез-құлқы мен тамақтану ерекшеліктері;
* бұрын ауырған аурулары.
3. Баланың денсаулық жағдайы туралы ақпаратты жасыруға тыйым салынады және бұл орталықта болуды тоқтатуға негіз болуы мүмкін.
3. Дәрі-дәрмектер
1. Дәрі-дәрмектерді өз бетінше сақтау және балаға беру тыйым салынады.
2. Барлық дәрілер дәрігердің жазбаша тағайындауымен медициналық қызметкерлерге тапсырылады.
3. Дәрілерді қабылдау тек медициналық қызметкердің бақылауымен жүзеге асырылады.
4. Болу тәртібі мен күн режимі
1. Бала белгіленген күн тәртібін (ұйқы, тамақ, сабақтар, ем-шаралар) сақтауға міндетті.
2. Баланың орталық аумағынан өз бетімен шығуына тыйым салынады.
3. Ата-аналар мамандармен келісімсіз емдеу-оңалту процесіне араласуға құқылы емес.
5. Келу және байланыс
1. Баланы көру белгіленген күндер мен сағаттарда жүзеге асырылады.
2. Азық-түлік, ойыншықтар және жеке заттарды беру тек персоналдың рұқсатымен жүзеге асады.
3. Балаға беруге тыйым салынады:
* тез бұзылатын тағамдар;
* жарамдылық мерзімі өтіп кеткен өнімдер;
* қауіпті заттар.
6. Баланың жеке заттары
1. Ата-аналар орталық бекіткен тізім бойынша баланы қажетті жеке заттармен қамтамасыз етеді.
2. Құнды заттарды (ақша, әшекейлер, гаджеттер) алып келу ұсынылмайды.
3. Әкімшілік сақтауға тапсырылмаған жеке заттардың жоғалуына жауапкершілік алмайды.
7. Ата-аналардың жауапкершілігі
1. Ата-аналар осы ережелерді сақтауға жауапты.
2. Ережелер жүйелі түрде бұзылған жағдайда әкімшілік:
* ескерту жасауға;
* кездесулерді шектеуге;
* баланың орталықта болуын мерзімінен бұрын тоқтату туралы шешім қабылдауға құқылы.
8. Қорытынды ережелер
Орталыққа қабылданар алдында ата-аналар:
* ережелермен танысқанын;
* оларды сақтауға міндеттенетінін;
* баланың сәтті оңалуы үшін персоналмен бірлесіп жұмыс істеудің маңыздылығын түсінетінін растайды.